Malaysia, 21 May : India laga male shuttlers, H S Prannoy aru Kidambi Srikanth jiman experience ase, dangor performance diye Malaysia Masters badminton tournament te Wednesday din bhal shuru korishey. Kintu double Olympic-medallist PV Sindhu nimite disappointing hoise, karon tai first-round te har pora tournament pichete bahar hoise.
Prannoy aru Srikanth logot Satish Karunakaran bhi second round te pochise.
First match te court te uthile Prannoy, aru tai Japan laga fifth seed Kenta Nishimoto ke 19-21, 21-17, 21-16 te ekta tough match te harai dise. Itu match ek ghonta 22 minute cholise. Second round te Prannoy Japan laga Yushi Tanaka logot khelibo.
Karunakaran bhi ekta upset dikhai dise jetiya tai Chinese Taipei laga third seed Chou Tien Chen ke 21-13, 21-14 te matro 39 minute te harai dise. Next match te tai France laga Christo Popov logot khelibo.
Ayush Shetty bhi agor round te pochise jetiya tai Canada laga Brian Yang ke 20-22, 21-10, 21-8 te harai dise.
Pichute, former world no.1 Srikanth bhi ekta dangor performance diye, China laga sixth seed Lu Guang Zu ke 23-21, 13-21, 21-11 te 57 minute laga match te harai next round te pochise.
Kintu Sindhu laga poor form continue korishey, aru tai Super 500 tournament laga opening round te Vietnam laga Nguyen Thuy Linh logot 11-21, 21-14, 15-21 te harai bahar hoise.
India laga mixed doubles pair Dhruv Kapila aru Tanisha Crasto bhi second round te pochise jetiya tai Indonesia laga Adnan Maulana aru Indah Cahya Sari Jamil ke 21-18, 15-21, 21-14 te harai dise. Kintu baki sob Indian pairs harai dise.
Ashith Surya aru Amrutha Pramuthesh top seeds Jiang Zheng Bang aru Wei Yaxin logot match te 10-21, 12-21 te harai dise mixed doubles laga first round te.
Rohan Kapoor aru Ruthvika Shivani Gadde bhi China laga fourth seeds Guo Xin Wa aru Chen Fang Hui logot 10-21, 14-21 te harai dise.
Karunakaran aru Aadya Variyath laga pair bhi Indonesia laga Verrell Yustin Mulia aru Lisa Ayu Kusumawati logot 15-21, 16-21 te harai tournament pichete bahar hoise.
Add Comment