Malaysia, 7 January : Badminton star PV Sindhu Malaysia Open Super 1000 badminton tournament te women’s singles opening round te Chinese Taipei laga Sung Shuo Yun ke straight games te haraise. Tai match tu 21-13, 22-20 score te jitise aru second round te qualify korise. Eighth-seeded Sindhu pichete second round te Japan laga Tomoka Miyazaki logote khelibo. Former world champion Sindhu itu laga foot injury pora bhal hoi pichete last saal pora itu laga prothom international match ase.
Pichete, Satwiksairaj Rankireddy aru Chirag Shetty Chinese Taipei laga Yang Po-Hsuan aru Lee Jhe-Hue ke 35 minute te 21-13, 21-15 score te haraise aru pre-quarterfinals te enter korise. Asian Games champions, December mahina te season-ending BWF World Tour Finals te semifinals paise, next Malaysia laga Junaidi Arif aru Roy King Yap logot khelibo.
Mixed doubles te Dhruv Kapila aru Tanisha Crasto, jitu world ranking te 17 number te ase, American duo Presley Smith aru Jennie Gai logote khelote 15-21, 21-18, 15-21 score te hari jai eliminate hoise. Women’s doubles te Treesa Jolly aru Gayatri Gopichand, jikhane December mahina te Syed Modi International Super 300 title second time jitise, bhal fight dise, kintu Indonesia laga Febriana Dwipuji Kusuma aru Meilysa Trias Puspitasari logote 66-minute laga dangor match te 9-21, 23-21, 19-21 score te harise.
Add Comment