Malaysia, 11 January : Satwiksairaj Rankireddy aru Chirag Shetty laga Malaysia Super 1000 badminton tournament te jitu bhal performance thakise, tai semifinals te Korea laga Kim Won Ho aru Seo Seung Jae logot straight-game te hari jaa nisena khotom hoise, idu Saturday din.
Satwik aru Chirag, junhunkan seventh seed te ase aru last saal finals te pounchise, idu saal semifinals te 40-minute laga match te 10-21, 15-21 hisab te hari jaa ase.
Break pisot, Satwik aru Chirag thora bhal control aru intent dikhai dise aru interval te 11-8 lead loi dise. Kintu, tai momentum maintain nohobo parise, aru idu moka te Koreans recover kuri tai comfortably match jitlo.
Kim aru Seo, 2025 season karne phir se ekta team banai ase, junhunkan dusra partner logot bhi bhal result paise.
Seo, 2023 te Kang Min Hyuk logot milai World Title jitise aru Choi Sol Gyu logot World No. 7 tak bhi reach kurise. Dusra taraf Kim, Paris Olympics te Jeong Na-eun logot mixed doubles silver medal jitise.
Tai next India Open Super 750 te home challenge lead kuribo, junu January 14 pra shuru hobole ase. Indian pair laga first round match Malaysia laga Wei Chong Man aru Kai Wun Tee logot hobo.
Add Comment