India laga Satwiksairaj Rankireddy aro Chirag Shetty toh Malaysian open tey Shandar khel dikhaishey aro men’s quarter finals tey punchi jaishey.
Kidambi Srikanth toh Second round par kuriwo paranai, Malaysian open super 1000 badminton tournament Mohali Thursday tey. World no.2 Satwik aro chirag jintu tuita 2023 tey shandaar performance dishey, 6 titles juti kina, France laga world no.36 Lucas Corvee aro Ronan Labar ke harai dishey aro etu laga bichey tey china laga khilari world no.32 He hi Ting aro Ren Xiang yu lokot khilishey.
Indian women’s double pair Ashwini Ponnappa aro Tanisha Crasto jintu tuita Guwahati Masters super 100 jutishey last month, bara seventh seeded Japanese pair Wakana Nagahara aro Mayu Matsumoto ke 21-19, 13-21, 21-15 bara haraishey, aro taijun laga Paris olympics laga Sapna toh pura kuriwoley tayaar asey.
Satwik aro Chirag toh Asian Games gold medalist asey. Opening game tey 11-2 lead bara Aram se juti thakishey, huilewi French pair bara 12-14 banai dishey aro game toh dukh kuri dishey . Huilewi Indian duo bara Wapas form paishey aro game toh Wapas control tey ani dishey aro juti jaishey.
Add Comment