March 5, 2024: India lokot diplomatic row taka time deh, Maldives kan China laka hath para free military assistance pabo leh ase. Monday din deh Beijing para Maldives kan lokot deh ekta defense cooperation agreement sign kuri shae free military assistance dib oleh aro etu tho “stronger” bilateral ties ban abo karne ase.
Maldives President Mohamed Muizzu para Indian military personnel laka first group karne ekta deadline set kuri shae taikan taila country para bahar olai jab oleh. Etu deadline set kura piche deh etu defense cooperation agreement tho ahi ase. Maldives laka Defense minister, Mohamed Ghassan Maumon Major General Zhang Baoqun, Deputy Director of the Office for International Military Cooperation of China, lokot mili shae tuita countries laka majo deh defense cooperation kara kuri bole karne.
Maumoon aro major general Baoqun China laka military assistance gratis deh ekta provision sign kuri shae Republic of Maldives keh dib oleh, etu kui nah stronger bilateral ties foster kuri ase,”: Maldivian Defense Ministry para taikan laka X handle deh post kuri shae.
Free Military assistance heh nahoi nah, China kan para Maldives keh 12 eco-friendly ambulance b gift kuri shae, Edition.mv news portal para Monday din deh report kuri shae.
Add Comment