Maldives pora business deal thek koribole biswas: China

Beijing, 20 November: Tuesday din foreign ministry spokesman pora kowah toh, Maldives khan thek pora bilateral free trade deal koribo pari koikena China pora biswas kori ase. Maldives politician pora be pact toh nation pora koridebo pari koise. Maldivian Democratic Party laga chief, ruling federal allieance deh leads kora Mohamed Nasheed pora Reuters logode etu hapta howah toh, duniya laga second sobse dangor economy desh logode deal kora toh galdi pora korise. Tai kowah toh, Maldives parliament pora tariffs agreement deh changes lagi thaga law pass nakoribo. Saturday din notun President Ibrahim Mohamed Solih pora hosiyar janaideya bechide Mohamed Nasheed pora kowah toh, Chinese leaders khan logode debt kora bechide financial pora dukh pai ase. Beijing jaga deh Foreign Ministry spokesman Geng Shuang pora kowah toh, business deal toh phal pora jai ase aro etu pora tuita desh logode be eki motob pabole ase. Besi kotha nakoikena Geng pora kowah toh, tuita side porabe joldi korise koile joldi motob pabo. Aro ami khan biswas kora toh Maldives government pora thek koridebole biswas kori ase. Maldives customs data hesab deh, etu sal januart aro August majode Maldives pora China laga imports lowah toh $342 million ase. Aro China deh exports kora toh $265,270 thakise.