Mali bomb blast te French army 3 jun morishe

December 29, 2020. French presidency para koishe, Mali jaga gari te bomb blast kamla kora te 3 jun sepai khan morishe. Hombori jaga Mali laga central Mopti province te military operation kora samai Africa’s Sahel te Islamist pithor manuh logot larai kora samai ase, koikena French presidency para Monday din statement te janai thishe. Defense Minister Florence Parly para koishe, sepai khan toh kam kori thaka samai pithor manuh khan para civilians khan ke hamla kora thakishe. Parly para koishe, Mali te mission para motob kora ase. Defense minister para dosura khobor toh janai deya nai. West Africa te 5,000 oper France jawan khan ase aro tai khan para Barkhane jag ate pithor manuh khan logot larai kori ase koishe. French President Emmanuel Macron para tin(3) jun mora sepai oper te “sobse tangor morom saman thishe”.Tai koishe France laga bapana toh pithor manuh logot larai koriboli janaishe”. Islamic manuh khan ke 2013 sal northern Mali te French-led military operation para hataikena ase. Etu pithor manuh khan desert te aro melikena Malian sepai khan ke hamla kori ase koishe.