May 17, 2024: Bibhav Kumar, chief minister Arvind Kejriwal laka personal secretary para Swati Maliwal keh hala kuri nah, Aam Admir Party (AAP) laka lawmaker keh 7-8 times thapar mari shae aro taila chest, baet aro pelvis deh kick di shae, first information report (FIR) kuto assault case deh file kuri shae, etu laka isap deh.
FIR copy kuto alleged assault keh detail kuri shae, etu para Kumar allegedly, Maliwal keh tani shae aro taila shirt keh b upor tani shae, tai motot karne hala kura time deh. Maliwal para tai, Kejriwal keh mili bole 9am phale jai shae kui shae May 13 deh .Taike, Kejriwal tho ghor deh ase kui nah kobor di shae aro tai tho drawing room deh rukhi bole lakeh kui shae. “Achanak she Kumar room deh ahi shae. Tai muike eku provocation nata kina hala kura shuru hui shae. Tai muike abuse b kuri bole shuru hui shae. Mui tho taila reaction para shock hui jai shae. Mui taikeh, mui keh enaka kotha nakuri b kui shae aro CM keh mati b kui shae,” tai para FIR deh kui shae.
Kumar para alleged taike hala kuri nah etu kui shae,”Apni kile muike huni bo napareh? Apni laka standing ki ase?” Maliwal para Kumar etu piche deh, taike Thapar mara shuru hui shae kui shae.
Thursday din deh Delhi police para Indian Penal Code laka section 354 (assault or criminal force with the intent to outrage modesty), 506 (criminal intimidation), 509 (insulting the modesty of a woman), aro 323 (voluntarily causing hurt) pitor deh FIR register kuri shae kui shae.
