Mamata Banerjee para Nandigram election kamyaab hoishe

Kolkata: Mamata Banerjee para Bengal’s Nandigram te BJP’s Suvendu Adhikari logot harai thishe. Bengal Chief Minister para aji pujur para loikena Suvendu Adhikari logot counting te akhe thakishe aro din dak te 1,200-vote para akhe jai thakishe. Nandigram town toh Mamata Banerjee laga 1^st time ase 2011 beche Mr Adhikari te kerai thishe. 2011 saal te Suvendu Adhikari toh Ms Banerjee logot thakina farmers’ land rights nemite campaigned kori thakishe. Tai etu constituency te MLA hoishe. Hoilebi etu paar election te Chief Minister kelaf te tai BJP para larai korishe. Suvendu Adhikari para December moina BJP te samil korishe aro Ms Banerjee logot jarikena jaishe. West Bengal CM Mamata Banerjee para Nandigram constituency te 1200 votes para BJP’s Suvendu Adhikari logot harai thishe. Nandigram te campaign kora samai 66 umer Chief Minister laga teng beya hoishe aro tai para BJP khan logot etu incident nemite putnam korishe, hoilebi khobor hesab te tai laga teng toh gari laga doorja te lakai ase koishe. Campaign kora samai tai wheelchair te bohikena thakishe aro tai para Prime Minister Narendra Modi, Union Home Minister Amit Shah aro BJP leaders khan besi ke kelaf kori thakishe. Suvendu Adhikari para promise korishe ke, tao jodi election te Mamata Banerjee logot 50,000 votes neshina para najiteli politics jariboli koikena ase.