Kolkata, Novemebr 21 : West Bengal laga Chief Minister Mamata Banerjee para Tuesday din te Kolkata laga Bengal Global Business Summit 2023 te ekta homoitey cricketer thaka manu aro India laga Board of Control for Cricket Sourav Ganguly ke Bengal laga Brand Ambassador declare kurisey.
News agency ANI para share kora ekta video te, Mamata Banerjee para Ganguly ke West Bengal laga brand ambassador announce kurisey, tai kiman popular asey aro tai para nutun generation ke positive para influence kuribole para tu acknowledge kurisey.
Mamata Banerjee para koisey, “Sourav Ganguly tu bisi popular asey aro tai tu nutun generation nimitey bisi bhal para kaam kuribo paribo. Ami para taikey Bengal laga Brand Ambassador banabole mon asey.”
Saal te ekbar huwa Bengal Global Business Summit te 17 desh para 100 opor company khan bhak loisey kuntu te, UK, US, Australia, Korea, Japan, Germany aro France shamil asey. Etu dui din laga summit tu Tuesday din te khotom hoisey.
CM Mamata Banerjee para Kolkata te Bengal Global Business Summit 2023 laga opening kora homoitey, bisi nutun policy khan janaisey.
Etu summit laga inauguration te dangor business leader jaiseki Reliance Industries laga Mukesh Ambani, energy sector para Sanjeev Goenka aro Wipro company laga Rishad Premji shamil thakisey.
Reliance Industries laga Chairman aro Managing Director Mukesh Ambani para next 3 saal nimitey West Bengal te Rs 20,000 crore laga ektra investment kuribo koisey.
Add Comment