Kolkata: Trinamool Congress chief Mamata Banerjee toh Kolkata laga Brigade Parade Ground te “United India Rally” te kotha kurishe. Etu toh Narendra Modi government against te opposition party khan dangor aro bhal para mila laga event thakishe.
Etu te first toh Samajwadi Party leader Akhilesh Yadav, DMK chief MK Stalin, former BJP leader Arun Shourie, Loktantrik Janata Dal chief Sharad Yadav aro Nationalist Congress Party laga matha Sharad Pawar thakishe.
Hoile bhi Congress president Rahul Gandhi aro tai laga ama Sonia Gandhi rally toh miss kurishe. Hoile bhi Gandhi Banerjee ke lekhi kena koishe ke tai khan rally te tai khan laga saath bhi ase janaishe.
Delhi Chief Minister Arvind Kejriwal manu khan ke “dangerous” BJP government ke Centre para jehoile bhi harabole koishe.
Samajwadi Party chief Akhilesh Yadav koishe SP aro BSP milija nimite desh te khushi laga wave ahishe. Aro etu nimite BJP toh meeting opor te meeting kora suru hoishe. BJP khan Uttar Pradesh te ekta seat hoile bhi jeetibole meeting kuri ase koishe.
Karnataka Chief Minister H D Kumaraswamy koishe 70 years bhitor te desh te regional parties utha dekhishe. Etu toh tai khan nijor laga manu aro tai khan emotions khan ke bachabole etu kadam uthaishe.
Kumaraswamy, DMK president M K Stalin, Senior Bahujan Samaj Party leader Satish Chandra Mishra, Congress leader Abhishek Manu Singhvi, Mishra, Dalit leader Jignesh Mevani aro dusra opposition party khan bhi etu event te kotha kurishe.
Add Comment