April 28, 2024: West Bengal Chief Minister Mamata Banerjee, tai Durgapur deh ekta helicopter board kura time deh slip kuri nah giri jai shae Saturday din deh. Chief minister laka security personnel para taike motot kuri shae, ANI para report kuri shae. Piche deh, tai Asansol deh aji shae ekta election rally deh address kuri bole.
News agency ANI para share kuri visuals deh, Mamata Banerjee, ekta seat deh buhi bole koshish kuri takli shae, helicopter board kura piche deh. Hoile b kura time deh taila balance hari nah giri jai shae.
March 14 deh, 69 sal laka Trinamool Congress supremo, taila Kalighat resident pitor deh giri jai shae Kolkata deh. Giri nah tai, taila forehead aro nak deh ekta jokom kai shae. Etu jokom kah karne tai hospital deh admit hobo laki shae jia shae olop kanda karne.
Banerjee laka bai, Kartik Banerjee, para Bengali news channel keh, TMC leader, ekta cerebral concussion suffer kuri shae kui shae aro taila forehead aro nak deh ekta sharp cut taki shae kui shae, kuteh bishi khun giri taki shae.
Hospital director, Manimoy Bandyopadhyay, para first deh, piche deh daka karne Mamata giri shae kui shae ghor deh. Etu comment para large-scale confusion spark kuri shae aro manu kan kinka hui nah tai gira shae, huda shuru hui shae. Piche deh Bandyopadhyay para tai nijor keh clarify kuri nah, chief minister tho “dakai dial aka sensation pai shae pareh” kui shae.
Add Comment