India, May 15: Wednesday dae Union minister Giriraj Singh pra Mamata Banerjee lah upur khota kurishey koi kina ki tai tho plan kuri asey West Bengal kae ekta Muslim state panwoley. “Mamata Banerjee pra Bengal kae ekta Muslim state panai diwoley mun asey. Jua elections nuhua agey dae (2021 assembly elections), tai lah government lah ekta minister pra journalists khan kae “mini-Pakistan” upur lhota kurishey. Etu pa dikhai ki tai pra Bengal kae mini-Pakistan panai diwoley mun asey”, etu minister pra news aganecy ANI kae koishey Patna dae.
“Centre dae wapas vote pai kinaahishey hoiley, amikhan pra National Register of Citizens, Citizenship Amendment Act (CAA) aro Uniform Civil Code implement kuriwo. Amikhan pra tai lah (Mamata) lah dictatorship kotom kuridiwo, Kim Jong Un nishina” Etu NJP leader, kun ekta second straight term sai asey Lk Sabha dae, Bihar lah Begusarai pra, janai dishey ki INDIA blov members kahn tho desh dae ‘Islamic rule’ panai diwoley sai asey.
