Manchester City khan Premier League title race teh advantage huina ase. Tinta second-half goals karneh City khan 3-0 jetiboleh parishe Brighton khan khe haraina Wednesday din teh aro Pep Guardiola laka team first place teh rakhishe.
Etihad stadium teh manu khan mun dukh huina thakishe City khelari khan second half laka ageh phaleh bhal khelina dikhaboleh napara karneh. Home fans khan chintah kuriboleh lagi thaka nai, Riyad Mahrez para 53rd minute teh shot marina defender aro goal keeper opor dhalina goal gusabo parishe.
Aro Phil Foden laka long range shot karneh 2-0 huboleh parishe 65th minute teh aro Bernado Silva para third goal dhalibo parishe.
City khan tai khan laka title aro rakhibo paribo bachina thaka choitah games jetina, next game toh Watford khan lokot kheliboleh ase Saturday din home teh. Liverpool khan ekta point piche teh ase aro khan Everton khan khe host kuribo etu piche.
Top-four race finish kuriboleh bishe diktar ase aro champions League qualify kuriboleh.
Etu toh kinemeteh ase koileh Arsenal khan tintah match khotom kurishe harina thaka, Chelsea khan khe 4-2 teh haraina aro fourth-place Tottenham khan lokot eki huishe.
Duitah team May 12 teh khelibole ase tai jun team bi pastah points third-place Chelsea laka piche teh ase aro tai khan ekta game kheliboleh bachina ase.
Eddie Nketiah para duitah goal dhalishe Arsenal karneh aro Emile Smith Rowe aro Bukayo Saka late penalty teh goal dhalibo parishe.
Manchester United 4-0 teh harishe Liverpool laka haat teh Tuesday din teh, tai khan tintah points Arsenal laka picheteh ase.
Add Comment