Man United kan FA Cup jiti shae, Man City keh 2-1 score deh harai dia piche deh

May 26, 2024: Wembley deh hua final deh, Manchester United kan defending champion Manchester City keh 2-1 score deh harai dia piche deh, FA Cup tho jiti shae, Saturday din deh. Etu tho United laka first silverware ase season deh aro etu win para crosstown rival City keh back-tp-back English league doubles jiti bole dia nai. United kan aha season deh Europa League karne b qualify hui jai shae. Final tho jua sal laka repeat taki shae, kuteh City kan 2-1 jiti shae aro Pep Guardiola laka team kan fight nakuri nah, taikan laka trophy dia nai. Alejandro Garnacho para 30^th minute deh scoring tho shuru kuri di shae, City laka defender Josko Gvardiol aro goalkeeper Stefan Ortega para gulti kura piche deh. Kobbie Mainoo para aro 39^th minute deh ekta second goal gusai di shae. Halftime deh United tho control deh taki shae hoile City para pressure tho second half deh uthai di shae. Taikan laka substitute Jeremy Doku laka long range shot para taikan keh game deh wapas ani di shae, 87^th minute deh. Etu tho United laka 13^th EA Cup ase. Thik itia taikan laka agae deh Arsenal ase, kun laka record 14 ase. Etu tho ten Hag laka second trophy ase. Tai jusa sal League Cup jiti shae.