Manali, 31 October 2024: Belgian Paraglider muri kina ekdin par hoina aro alak hatsa hoishey, Czech paraglider Himachal Pradesh laka Manali te Wednesday din te mountainside te crash hoi kina muri jaishey, PTI news agnecy pra report kurishey.
Etu hoina paraglider fatalities region te duibar hoi ase 2 din te, etu b Paragliding World Cup 2024 shuru nahwa agae te. November 2 te shuru hubo Bir-Billing te, etu toh paragliding paradise b matae Kangra district, Himachal Pradesh te.
Mura ja manu toh 43 saal solo paraglider Dita Misurvoca, toh control hari jaishey hawa bishi kara hwa nimite aro Manali, Marhi laka osor te crash hoi jaishey. Taike joldi hospital te loi jaishey, tadeh doctors khan muri jaishey koishey. Misurcova toh experienced paraglider ase aro etu sport toh 6 saal tak kuri ase.
Tuesday din te Belgian Paraglider b Bir-Billing te muri jaishey, alak paraglider lokot hawa te lagi kina tai laka parachute giri jaishey.
Add Comment