Manchester City kan aro ekbar hari shae

December 22, 2024: Saturday din deh Aston Villa para shell-shocked taka Manchester City laka upor deh aro ekbar jokom di shae. Aston Villa para Premier League deh, City keh 2-1 harai di shae. Goals tho Colombia forward Jhon Duran aro former City forward Morgan Rogers para ahi shae. Premier league table deh Villa tho City laka upor ahi jai shae, fifth place deh. Aro title dura kan tho sixth deh giri jai shae, 12 games deh taikan laka ninth loss lokot deh, sob competitions deh.  Pep Guardiola laka team tho weekend laka end deh ninth place tak b giri bo pareh aro 12 game show deh khali ekbar heh jiti bo pareh. “Ekta beast nishi nah taki shae, husa lah b,” Rogers para City laka TNT sports keh kui shae. “Kile koile taikan lokot deh results tho pah taka nai aro taikan josh para ahi bo kui nah mukan jani taki shae. Mukan laka game plan deh bui leh tho mukan dictar kan dibo kui nah mukan jani taki shae. Mukan tho ekdum bhal taki shae kui nah mjui papi taki shae.” “Mukan disappointed ase, bhal nahoi,” City striker Erling Haaland para TNT keh kui shae. “Mui karne bhal nahoi.”