January 9, 2026: Friday te Manchester City para Ghana laga forward Antoine Semenyo ke sign kure she, Bournemouth laga hath para, Manchester khan laga hamla khan bhal kure bole, Premier League aro Champions League tile khan shuru nukurea ahge.
Semenyo etu season te 10 goal mare she, aro etia sobse bhal attacker ekjun ase etu season laga, tai laga deal toh $87 million thake she koi she, 5 ½ sal karne.
Tai competition debo le ase City laga wingers khan ke, Jeremy Doku, Omar Marmoush, Savinho aro Oscar Bobb neshe na khan ke. Savinho aro Bobb toh etia jokhom pai kena ase. Aro Marmoush toh Africa Cup of Nations te khelea ase. 26 sal Semeny otoh Manchester United aro Liverpool logo te be link thake she. Tai Bristol City para Bournemouth te jai she, aro 2 half season khle she Bournemouth karne. Wednesday te Semenyo para last minute te ekta goal go shai kena Bournemouth khan ke Tottenham khan ke harai de she.
Manchester City laga manager Pep Guardilo de kha ase ki tai khan beshe counterattack khele bole mun ja ase etu season te. Aro club laga director Hugo Viana para koi she ki Semenyo ke sign kurea toh thik thake she.
Manchester City khan etia second te ase Premier League te. Tai khan six points Arsenal laga piche te ase. Etu league te 36 club ase. Aro top eight khan toh seda qualify hoi jabo 16 club laga round te. City khan Newcastle logo te khele bole ase aha Tuesday te.
Add Comment