Manchester, 19 February : European champions Real Madrid UEFA Champions League 2024-25 laga knock-out phase playoffs te Manchester City upor te khelibo laga ase. Itu dangaor match laga first leg February 12 din Manchester laga Etihad Stadium te hobo, aru second leg February 20 din Madrid laga iconic Santiago Bernabeu stadium te khelibo.
Duita team ekta point te tournament jeetibo nimite favourite thakishe, hoilebi, laga season key players khan laga injuries karone problem face kurishe. Itu karone, match aage te form bhi tension dibi kena ase. Premier League laga back-to-back four-time champions City, Ballon d’Or winner Rodri ACL injury pabo age te top form te thakishe. Tai injury piche te, season laga performance same nohoi jaise.
Ar ekta midfielder Kevin de Bruyne bhi dangor time nimite injured thakishe, aru central defenders Ruben Dias aru John Stones bhi bishi match miss kuri dise. Itu karone City Europa laga premier club tournament pora eliminate hobo hobo pori jaise.
Madrid laga hisab te bhi same story ase. Ferland Mendy chari kena, first-team laga ekjon defender bhi selection nimite nai. Dani Carvajal aru Eder Militao pura season nimite ruled out ase, aru Antonio Rudiger hamstring injury aru David Alaba muscle injury karone khelibo no paribo. Makeshift RB kuri thaka Lucas Vazquez bhi injury loi kena, Man City laga duita match te kheli no paribo.
Hoilebi, Madrid nimite ekta bhal news ase—itu laga attacking trio Vini Jr., Kylian Mbappe, aru Rodrygo pura fit ase aru match te crucial role khelibo. Onno side te, City laga Erling Haaland aru Savinho Madrid laga defense nimite dangor problem dibi kena ase.
Predicted Playing XI:
Manchester City – Ederson; Manuel Akanji, John Stones, Ruben Dias, Josko Gvardiol; Mateo Kovacic, Bernardo Silva; Omar Marmoush, Savinho, Phil Foden; Erling Haaland
Real Madrid: Thibaut Courtois; Federico Valverde, Aurelien Tchouameni, Raul Asencio, Fran Garcia; Luka Modric, Dani Ceballos, Jude Bellingham; Rodrygo, Vinicius Jr.; Kylian Mbappe
Manchester City vs Real Madrid match kitia asey?
Manchester City vs Real Madrid tou Wednesday, January 12 te khilibo
Manchester City vs Real Madrid match kitia shuru huwo ?
Manchester City vs Real Madrid match tou 1:30 AM IST (January 12) te shuru huwo
Manchester City vs Real Madrid match kitia khilibo?
Manchester City vs Real Madrid football match tou Etihad Stadium Manchester te khilibo
Manchester City vs Real Madrid match TV te kutey sawo paribo India te?
Sony Sports Network para Manchester City vs Real Madrid live broadcast kuribo India-based users karney
Manchester City vs Real Madrid match online te India te kutey sawo?
Indian football fans para Manchester City vs Real Madrid football match online te SonyLiv aro JioTV te sawo paribo
Add Comment