Manchester United: Coach Eric Harrison 81 te murishe

Agencies:

Legendary Manchester United youth coach Eric Harrison toh 81 years te murishe. Tai toh ‘Class of 92’ bana nimite zemidar ase.

Harrison toh Wednesday rati te shanty para tai laga family osor para muri jaishe. Harrison toh char saal agote mix dementia para diagnose kuri kena thakishe.

Ekta samay te toh tai lower league laga kheladi (player) thakishe. Harrison toh coaching career toh 1981 para suru kurishe. Etu toh Manchester United te 1986 te move nokura agote ase. 1986 para Harrison toh Alex Ferguson logote backroom staff hesab te kaam kurishe.

1992 te tai Manchester United youth team ke lead kurishe. Aro tai khan logote FA Youth Cup trophy jeetishe. Etu te Ryan Giggs, Gary Neville, Nicky Butt, David Beckham, Robbie Savage, Simon Davies aro Keith Gillespie sob toh tai laga side laga hissa ase.

1992 pichete Neville, Beckham, Savage aro Gillespie logote Paul Scholes aro Phil Neville team te join kurishe. Tai khan Leeds khilaf te finals te harishe. Hoile bhi 1995 te tai khan dubara trophuy jeetishe.

Harrison toh Old Trafford te spent 27 years thakishe. Aro tai ke 2017 te MBE award dishe. Gary Neville para Twitter te tai laga purana manager ke tribute dishe. Tai koishe ami khan ekta mentor, coach aro kun ami khan ke banaishe, ami khan tai ke haraishe.

David Beckham para tai laga Instagram para Harrison ke ekdam emotional tribute dishe. “Signing off the caption ‘love from Gary, Phil, Ryan, Paul, Nicky and David.”