Manchester United ke takara players nai: Jose Mourinho

LIVERPOOL, ENGLAND: Saturday din Liverpool Vs Manchester United Premier League khilate Liverpool pora 3-1 koikena jitese. Aro ito match pijete Manchester United laga manager Mourinho pora Manu team ke kao takara manu komti ase koikena koishe. Match agi te defender Chris Smalling jokham hoishe ito nimete Eric Bailey ke loishe. Mourinhou pora Liverpool laga players khan kao dukh napaikena khila dikhikena pise phal lagi se.  Amikhan club te hotai jokham hoa players khan pise ase. Van Gaal aro David Moyes laga time pora hi dihe kena ahi ase. Aro ito player khan toh kitia bi match te takara pora khilibole naparibo, aro ito phapna kora time te khusi napai koikena tai pora koishe.   Liverpool laga speed aro takara kila pora match ke ektum dominate korise. Aro ito toh Juergen Klopp laga players khan kao dangor aro takara hoa pora thakise.   Mourinho pora example diya time ke Liverpool laga Andy Robertson, Sadio Mane, Salah, Wijnaldum, Naby Keita aro Fabinho ke loikena koishe. Moike players phal pise ase hoilebi tai khan ke ito physicality moi laga players khan ke nai koikena tai pora reporters khan logote koishe. Moi aji laga match ke players khan pora koshis kora tikhe kena pishe kosi paise. Hoilebi mondukh ase kilemane aji Liverpool pora  amikhan ke pora dominate korise. Liverpool aro Klopp ke congratulate di ase.