Manchester, 11 March : Manchester United Tuesday din announce korise ki tai 100,000-capacity laga notun stadium banabo karone plans ase, jun club laga co-owner Jim Ratcliffe koi dishe ki “world laga greatest” football ground hobo.
Premier League club itu time te duta options examine korise — ekta Old Trafford laga thaka jagah te renovate koribo naki notun stadium itu same area te banabo.
Plans hisab te, 20-time English champion koi dishe ki notun stadium Old Trafford laga iconic ground laga side te banabo, itu karone construction process te club ke relocate nohoi jabo lage nai.
United eneka koi nai ki stadium banabo laga cost kiman hobo aru timeline khan bhi reveal koranae.
British billionaire Ratcliffe pichla saal te $1.3 billion pora initial 25% stake United te loi dishe aru notun stadium banabo tai laga priority te rakhi dishe.
Old Trafford laga redevelopment possibility consider korise, jun ekta football laga iconic stadium ase, but notun construction tai laga preferred option hoishe.
United itu stadium laga project Old Trafford area laga surroundings regenerate koribo karone ekta dangor project hisab te include koribo chahe ase, jun United Kingdom laga economy te 7.3 billion pounds ($9.4 billion) worth hobo koi dise. U.K. government bhi itu project karone support di ase, hoilebi itu fund koribo laga specifics clear nohoi.
British architect Norman Foster ke stadium design koribo karone appoint korise.
Itiya, Wembley U.K. laga biggest stadium ase, 90,000 capacity pora, aru England laga national football team laga home stadium ase.
Twickenham, jun national rugby team laga home stadium ase, itu 82,500 capacity rakhe.
Old Trafford desh laga sabse dangor dedicated football stadium ase, jun laga capacity just over 74,000 ase. Hoilebi, itu stadium outdated hoishe, especially Tottenham Hotspur Stadium te London te thaka modern stadiums logote compare korile, jun khan NFL games bhi regularly host kore.
Itu announcement ahibo pora din khan agote thousands of United fans march korikena club laga ownership oppress korikena protest korise, karone cost cuts, ticket price rise aru field te ongoing failure khan karone.
United laga majority ownership American Glazer family laga haat te ase, jun NFL laga Tampa Bay Buccaneers bhi own kore.
Ratcliffe invest koribo time te tai promise korise ki club ke wapas European football laga top te loi jabo — jun laga last Premier League win pora more than a decade hoishe.
Hoilebi, tai laga football operations te first year turbulent hoishe. United laga worst-ever Premier League season pichla saal te hoishe aru etiya bhi notun low record banabo laga course te ase, karone team etiya bottom half of the standings te thaki ase.
Add Comment