Tokyo: Tuesday te Striker Mandeep Singh pora hat-trick mapri kena Indian laga men’s hockey team ke hosts Japan khan ke 6-3 pora harai di kena Olympic Test Event laga final te jaise.
Oi Hockey Stadium te Indian team khan 1-2 pora New Zealand laga khilaaf hari kena dhakiya tai khan laga third match te ektam phal khilise. Wednesday te India khan aro New Zealand logot te top clash te log kuribo.
Mandeep khan pora 9th, 29th aro 30th minutes te target paise aro Nilakanta Sharma (3rd), Nilam Sanjeep Xess (7th) aro Gurjant Singh (41st) khan bhi alak India karne score kuri diya khan ase.
Kentaro Fukuda (25th), Kenta Tanaka (36th) aro Kazuma Murata (52nd) khan pora Japan karne goal dise.
Teen minute te Nilakanta pora India karne goal di kena ektam phal suru kurise. Seven minute te Penalty corner India Nilam Sanjeep pora marikena 2-0 pora lead te dhakise.
India khan pora pohila quarter te 3-0 pora lead dhakise. Japan khan pora 25 minute te Kentaro Fukuda pora goal dise, hoile bhi Mandeep pora duita goal di kena India khan ke 5-1 pora lead kuri dise. Indian vice-captain proa 29th aro 30th minute half-time nahoea ake te dise.
India laga forward Gurjant pora 41st minute te 6-2 bonai dise aro world number 5 side pora third quarter te chittise.
Etu chitiya pora India khan ke Point table te second spot te odhi jaise aro tai khan Wednesday laga top clash te toppers New Zealand logot te log kuribo.
Add Comment