Mandsaur te spurious liquor para 3 jun morishe

Mandsaur: Madhya Pradesh laga Mandsaur district te spurious liquor kaikena tin(3) jun manuh mora beche, state government para Excise Sub-Inspector ke suspended krishe aro kaun manuh laga ghor te daru bekai thakishe, tai laga ghor toh JCB machine para beya kori thishe koishe. Officials laga khobor hesab te, Saturday din Khakrai bsoti te manuh khan besi daru kaishe, etu beche Saturday aro Sunday din tin(3) jun manuh morishe koishe. Etu incident nemite State Excise Minister Jagdish Devda para tangor action loboli janaishe aro etu hatsa toh tai nejor laga assembly constituency te howa ase. District Magistrate Manoj Pushp laga hokom hesab te, Yogendra kaun para daru toh tai laga ghor te bekai thakishe JCB machine para beya kori thishe, etu oper te District Magistrate para etu hatsa nemite inqury koriboli hokom thishe. Former chief minister Kamal Nath para Shivraj Singh Chouhan government logot daru kaikena manuh mora nemite koishe ke, “Ujjain, Morena aro Bhind-Gwalior toh Shivraj Singh Chouhan government pithor te mora ase. Etu khobor toh Khakrai bosti Mandsaur district te tin(3) jun manuh daru kaikena mora ase aro dosura manuh besi serious te ase. Etu halat toh state Excise Minister nejor laga constituency te howa ase koikena janaishe.