Mangkolemba, 17 July 2025: Mangkolemba, Mokokchung laka WATSU unit (women organization) District Administration aru Police logot milikina, July 16, 2025 te ekta surprise inspection chulaishe, juntu illegal liquor bikri thaka dukan aru hotel khan target korishe.
Inspection te dukan khan openly NLTP Act violate kurithaka paishe. Alcoholic drinks ₹40,000 nishina value seize kurikena destroy kuridishe. Juntu dukan violate korishe, tai khan ke strict warning di dishe—repeat hoile shop bondh aru license cancel hobole pare.
Mangkolemba town, Assam border laka osor proximity thaka karone, liquor to assan pora ahi jai thaka problem ase. Etia illegal sale aru consumption town te bishi hoishe.
WATSU ekta important role loishe, district administration ke support kuri thaka karone. Tai khan social evil khan laka te kaam kuri ase, aru shanti aru discipline promote kuri ase.
Officials janai dishe ki eneka checks aage te bhi thakibo, aru public ke illegal kaam report kuribole request korishe.
Add Comment