Vikshit Bharat Sankalp Yatra observed kurishey 14th December 2023 tey, Customary Court Mangkolemba para aru itu event tey special guest thakishey Additional Deputy Commissioner Mangkolemba, Lankonsen Tsanglao.
ADC para sob manu khan ke koishey ki Vikshit Bharat Sankalp Yatra tu nation-wide effort asey aru itu laga main goal tu government laga schemes, initiatives aru benefits khan manu khan ke punchibo karney. Tai koishey information khan tou share kuriboley najana manu khan ke itu programs aru schemes laga benefits janai diboley. Tai para assure kurishey ki eligible beneficiaries kun khan itu benefits napai kena asey tai khan ke tai motot kuribo.
Meri Khani Meri Zubani, PM SVANidhi, PMAY aru AYUSHMAN laga presentation dishey SBI laga Bank Manager, Mangkolemba; Chairman, All Wards Chairman, Mangkolemba; ADC office, Mangkolemba laga Lanuyanger aru Rongsennukshi. Recorded message laga screening thakishey Prime Minister aru PM SVANdhi, onspot registration, Ayushman Bharat laga registration, Biometric authentication aru keneka aadhar update kurey itu khan thakishey itu din laga program tey. Itu event laga in charge thakishey Mangkolemba laga SDO(C), Hotolu Sema.
Add Comment