October 31, 2025, 04:34 PM: Mangmetong ‘A’ khel putu menden aru Okotso village council Triennial meet loishey, 30th October 2025 tey, Senden Riju, Mangmetong. Itu event toh hoiley purana bond toh continue majbut kuriboley karney loa laga thakishey, itu duita bosti majetey.
Advisor, Information & Public Relations & Soil & Water Conservation, Imkong L Imchen para tai laga share kuri kena, itu occasion tey, remark kurishey ki, itu immemorial laga homoi para itu Okotso aru Mangmetong Village laga manu khan toh hoiley eke logotey shanti aru harmony tey thaki kena ahishey.
Tai para state kurishey ki, itu jama kuria para unity aru harmony para bhorta thaka laga importance endure kuria laga symbolize kurey, community khan bhitor tey thaka laga.
Tribalism laga issue opor tey majbut emphasis dhali di kena, Imchen para deep chinta thaka laga express kurishey, ki, itu practice toh hoiley mistrust aru division laga guti dhali laga thakishey, community khan bhitor tey. Tai para itu bhi describe kurishey, ki, tribalism toh hoiley ekta serious social menace asey, kuntu toh hoiley progress ke dikhdari kurey aru unity laga fabric ke komjur kurey.
Itu din laga olop shaam phaney, ekta join meeting loishey, itu ‘A’ khel Mangmetong putu chairman, Dr Longri Jamir laga Chairmanship under tey. Itu deliberation laga homoitey, itu house para eke logotey milai kena, ekta Multi Purpose Community Building aru ekta Friendship Monolith construct kuriboley tyaar hoishey, itu duita bosti para boundary share kuria tey, unity aru mutual respect symbolize kuri kena.
Itu meeting toh hoiley, shuru shuru tey, ekta cultural exchange programme initiate kuriboley karney, itu duita bosti majetey, itu friendship laga bond majbut kuriboley laga objective loi kena aru buja buji foster kuri kena, itu community khan bhitor tey.
Add Comment