April 9, 2025: State pura te. Manipur Police aruSecurity Forces khan operation kurishe. Yete taikhan pasta manu ke arrest kurishe koishe. Aru yete ekta Militants kebi durishe koishe. Aru Mudu khan bi durishe.
Imphal West District taikhan para ekta KCP manu ke durishe. Tai toh manu ke damki dikina poisa mangi thakhishe. Tai toh Nanao Singh (49) ase koishe. Tai laga haat para duita phones paishe.
Aru alak operation toh Imphal East District te thakhishe. Tate taikhan para PREPAK- Pro active member ke durishe. Tai toh Sapam Sagar Singh(30) ase koishe. Tai ke Sagolmang Bazar para durishe. tai laga haat para ekta mobile paishe.
Ari Kangpokpi District. Security khan para National Highway rasta 02 te duty kurea homoi te. Ertu tata ke rukhaishe. Yete manu khan polaishe, hoilebi ekjun ke durishe koishe. Lunminthnag Guite (27) ke durishe. Tai laga haat para Phone aru Rs 25,000 paishe koishe.
Aru Tengnoupal District te. Moreh Police khan para mudu durishe koishe Dukan te. Yete 120 whiskey Bottles, 41 rum bottles, 24 wine bottles, 17 vodka bottles aru beer bottles khan bi thakhishe koishe.
Add Comment