Manipal Education aro Medical Group laga Chairman Ranjan Pai tu Byju’s te $ 300 million (Rs 2,500 crore) maan poisa invest kuribole laga deal final kuribole nisna asey. Aro etu investment laga bisi bhak poisa tu Aakash ke bhak kuribole asey aro baki tu parent entity, Think and Learn Private Limited te jabole asey.
Suru te Pai para interest milaikina Rs 1,400 crore poisa pay kuribole asey . Etu tu Byju’s para etu saal laga first fale Davidson Kemper para luwa Rs 800 crore laga loan ke pura puri teraidikina settle kuribole nimitey asey. August moina te Davidson Kemper para Aakash ke ekta kanooni notice issue kurisey.
Byju’s tu Aakash Institute laga promoter aro private quity company Blackstone Group logotey ekta disagreement(kotha nimila laga mamla ) te lagikina asey. Blackstone aro Chaudhury khan para Aakash laga share ke Byju’s laga share nimitey trade kuribole mana kuridisey.
Add Comment