Manipur: 12 Kuki-Zo Manu Murea Laga Body Toh Families Khan Ke Punchai Dishe

Manipur, December 8, 2024: December 5 din te, 12kuki-zo laga manu murea khan laga funeral toh kurishe koishe, yete aru 10 nishina murishe koishe, CRPF logote Banduk para larai kuri kina Jiribam te. Etu toh Manipur laga Churachandpur laga District te thakhibo koishe. Yete Saturday din tebi, Indigenous Tribal Leaders’ Forum (ITLF) khan meeting toh kurishe koishe, etu khobor khan janea pichete. Ageate, ITLF khan tarika loishe ki, Kuki-zo Youths murea khan laga toh funeral nalobo koishe, Post-Mortem laga reports family khan ke nadea tak. Hoilebi etu tarika khan toh thik para loishe koishe. Aru taikhan bi mun punchishe koishe reports janea pichete. Aru koishe ki Tuibuong te Peace Ground toh thakhishe koishe. Aru khobor laga hisab te, Funeral toh Ginzalala, tai toh Advisor (Technical) Mizoram CM Lalduhoma aru ZPM Mla para bi ahi kina attend kuribo koishe.