Manipur: 180 Acres laga Poppy Ghas bia kurishe

Ukhrul, February 5, 2026: Yete ja duita din laga alak alak operation te. Security Forces khan Forest Department khan logote mili kina operation kurishe koishe. Yete taikhan Anti-Narcotics aru Domination operation kurishe koishe Manipur te.
February 4 din te. Team khan para 180 acres laga Illegal Poppy ghas bia kurishe koishe. Etu toh Ukhrul District laga Leingangchiing Hill Range te ase koishe. Etu operation kurea homoi te. 20 Kheti ghor khan bia kuri dishe koishe. Etu ghor khan toh Kheti kurea manu khan chulai thakhishe koishe.
February 3 din te. Manipur Police khan para Tata Dumper gari ke rukhaishe koishe. Etu toh Senapati District laga Martyrs Park jagate ase koishe. Yete Driver kebi durishe koishe. Tai toh Athikho Elokho (27) ase. Arutai toh Senapat laga Kaibi Bosti para ase. Police khan tai laga haat para 5.60 Kg nishina opium paishe koishe. Aru Poisa Rs 5,200 paishe.