Manipur ’30th Senior Women’s National Football Championship jitise

Chhattisgarh, 16 October : Football te, Manipur kali Chhattisgarh laga Narainpur te RKM Ashrama Ground te West Bengal ke 1-0 score te haraise, 30th Senior Women’s National Football Championship – Rajmata Jijabai Trophy jiti loise. Itu jeet logot, Manipur nijor title defend kori loise aru record 23rd bar itu trophy jiti loise. Tight aru exciting final match te, Manipur laga Lynda Kom Serto 93rd minute te ekta decisive goal marise aru itu jeet logot northeastern giants laga unbeaten run ke ekta winning note te khotom kori dise.