Imphal, November 10 : Friday(November 10) te, Avinash aro Anthony koikina duijun student khan haraikina thaka laga khilaf te Joint Action Committee (JAC) para 33 ghota laga bandh rakha ke support kurisey aro etu bandh laga first din te normal zindigi tu rukhi jaisey.
Etu bandh thaka nimitey, Imphal seher te public gari khan tu rasta para dur thakisey, aro school, college khan, petrol pump, bank aro business khan bon thakisey.
Alag alag jaga khan te, khas kurikina Uripok-Kangchup rasta te, etu bandh ke support kora manu khan ke buhikina protest kora chuli thaka homoitey rasta laga majotey tire khan jolai thaka dikhisey.
Etu bandh ke support kurikina, 10ta opposition(BJP laga against te thaka0 party AAP, AIFB, AITC, CPI, CPI(M), INC, JD(U), NCP, Shiv Sena (Uddhav Thackery) aro RSP para duijun haraikina thaka student Maibam Avinash aro Ningthoujam Anthony ke joldi bachaikina anibole nimitey manu khan logotey milikina kara protest. Etu duijun tu November 5 para rajya laga north fale red zone te bike cholaikina ja picheyte haraikina thakisey.
Etu bandh tu Friday (November 10) laga phujur 4 am fale suru hoisey aro November 11 laga 1 pm tak chulibo – pura puri 33 ghonta.
Emergency service jaiseki media, pani supply, pharmacy, ilaj aro fire servies khan tu etu bandh para maafi pabo.
Shiv Sena (Uddhav Thackeray) Manipur State unit president Toijam Devananda para 10 jun rajneetik party khan laga behalf te koisey ki sarkar para rajya laga manu khan ke bar bar bachabole nakamyab hoisey.
Tai para koisey ki Hijam Linthoingambi aro Phijam Hemanjit laga atta patta tu etya bi najanikina asey.
Aro etu nisna, nahi rajya laga sarkar nahi central sarkar para Ningthoujam Anthony (19 tears laga) aro Maibam Avinash (14 years laga) tu November 5 te kidnap huwa picheyte etya tak bi bisarikina olabole paranai.
Add Comment