Agencies, 24 April: Manipur Police para komti hoilebe ten gunny bags te ganja thaka Friday te Kangpokpi district te thurishe.
Official khobor hisab te, ekta rented khor Govajang Lhungtin te Saikul police station laga ekta team khan spot te joldi jaa thakise aro 7:30 pm nesana samai te suspected contraband articles powa thakise.
House search toh officer-in-charge of Saikul PS, Inspector Suresh Anthony laga supervision te aro Kangpokpi SP Amrita Sinha laga overall supervision te lowa thakise.
Search samai te, team para ten gunny bags te contraband ganja powa thakise. Etu toh tin alak dangor transparent polythene bags te rakha thakise aro spot para sob meli kena 380.44 kgs thakise.
Case te meli kena ekta manu ke arrest kora thakise koise. Arrest howa manu toh Kanglatombi laga resident, Shyam Basnet, 58 thakise koise.
Kotha kora bechite, tuita tobacco containers te 44 grams laga opium toh tai laga possession para Sekmai police station laga motob logote thura thakise koise.
FIR number 14(4) 2022 SKl-PS and section 20(b) (ii) ND&PS Act under te ekta case toh Saikul PS te registered howa thakise.
Add Comment