Imphal, November 7, 2026: Police khan para koishe ki. Manipur laga Imphal East District te. Thursday phuzur te 3da manu ke arrest kurishe koishe. Taikhan toh local mudu khan supply kurea nimete.
Etu arrest khan toh CDO/IE team khan para kurishe koishe. Yete Keirao jaga laga Landum Lamkhai te checking kurea homoi te. Yete arrest kurea manu khan toh Puthem Thouba (30, tai toh Andro Leitan Pekpham para ase. Khunumayum Shantikumar Singh (25) toh Andro Khuman para ase Aru Longjam Sanathoi Meitei (28) toh Andro Uchaol Awang leikai para ase.
Police khan operation kurea homoi te. Taikhan laga haat para 580 litres laga mudu durishe koishe. Aru duita gari nishina uthaishe. Etu durea laga saman aru arrest kurea manu khan ke Officer-in-charge of Excise Porompat laga haat te didishe koishe. Yete action khan lubole dibo nimete.
