Imphal, September 4, 2025: Manipur laga Police aru Security Forces khan para yete 3da militants ke arrest kurishe koishe. Etu toh State laga alak alak jaga para durishe koishe.
Nambol Police Station khan para PREPAK laga Group member ke arrest kurishe koishe. Etu manu toh Oinam Hemanjit Singh (50) ase koishe. Tai toh Thangalawai Sabal Leikai para ase koishe. Taike Bishnupur District laga Meitram para durishe koishe. Aru etu operation te. Police khan para Diesal Auto-Rickshaw aru Duita Mobile handsets paishe koishe, Tai laga haat para.
Waikhong Police Station khan para KCP Group member ke durishe. Tai toh Lourembam Suresh (47) ase koishe. Taike Kakching District laga Elang Khangpokpi Awang Leikai para arrest kurishe koishe. Tai toh Imphal West District laga Heirangoithong Oinam Leikai para ase koishe. Tailaga haat para Phone paishe koishe.
Aru alak operation te Security Forces khan para KCP Group member ke durishe koishe. Tai toh Oinam Tomba Singh (57) ase koishe. Taike Kakching District laga Sekmaijin Maning Leikai para durishe. Tai toh Imphal East District laga Tumukhong Awang leikai te thakhea. Aru tai toh Petrol Pump khan te damki dikina poisa mangi thakhishe koishe.
Add Comment