Imphal, June 26, 2025: June 24, Tuesday din te. Manipur Police khan para yete 3da UNLF group member ke durishe koishe. Etu toh Imphal West laga Babupara para durishe koishe. Etu manu khan toh manu ke damki dikina poisa mangi thakhishe. Aru Government khan kebi Damki dea ase koishe.
Etea Arrest Kurea manu khan toh- Konthoujam Opendro Singh (46), tai toh Mongsangei Awang Leikai, Imphal West district te thakhea. Tokpam Tomcha Singh (55), toh Wangkhei Tokpam Leikai, Imphal East district te thakhea. Aru Keithellakpam Saratchandra Mangang (53), toh Khurai Soibam Leikai Ahongei Leirak, Imphal East district te thakhea koishe.
Yete arrest kurea homoi te. Taikhan laga haat para banduk aru alak saman khan bi paishe koishe. Yete Duita 9mm Pistol aru Duita Magazines. 9mm laga guli 8 nishina paishe. Ekta .32 Calibre Pistol aru Ekta magazine paishe koishe. Charta Mobile phones, Ekta brown wallet. Rs 3,800 poisa cash. Duita Aadhaar cards. Ekta kala Side bag paishe koishe. Aru TVS Scooter bi paishe.
Add Comment