Manipur, February 1, 2025: CM N Biren Singh para koishe ki, yete Poppy laga bagan 45 acre nishina bia kuri dishe koishe, Manipur laga Kangpokpi District te.
Yete Etu Poppy laga ghas para Opium laga Drugs banai. Etu nimete taikhan bia kuri dishe.
Etu operation toh Friday din te, Lhungjang Bosti Hills Range, etu toh Saikul Police Station laga jaga bitor te ase koishe, aru yete District Police khan aru CRPF khan, aru yete Executive Magistrate bi thakhishe koishe.
Aru etu lagate FIR khan bi dali dishe koishe, yete ahibole laga homoi te tarika khan lobole nimete.
Police khan para koishe ki, Yete taikhan Manipur laga Kangpokpi District te etu Poppy Bagan Bia kuribole ja homoi te, yete 80 mob nishina manu thakhishe koishe, aru yete taikhan Police khan ke rukhabole khushish kurishe koishe, aru yete Police khan laga Charta Gari nishina olop jokhum kuri dishe koishe.
Olop Pichete etu mob khan ke control kurbiole parishe koishe Tarika loi kina, aru taikhan Lhungjang Hill Range te Poppy Bagan toh bia kuri dishe koishe.
Add Comment