Imphal, January 28, 2026: Manipur laga Tengnoupal te. Security Forces khan para 5 Acres laga illegal Poppy Bagan bia kurishe koishe. Yete taikhan illegl Drug Supply Chain bitor te operation kurea homoi te.
January 27 din te. Security Forces khan para 5 Acres laga Illegal Poppy Ghas bia kurishe koishe. Etu toh Machi laga range te. Aru etu toh Tengnoupal District laga bitor te ase koishe.
Etu laga agea tebi. Mili kina operation kurishe Manipur. Aru January 19 din te. Security Khan para 65 saal Hriili Kaihrii ke arrest kurishe koishe. Tai toh Kangpokpi District laga Mayangkhang Khunou te thakhea manu ase. Aru tai laga haat para 8 sabun dab ate Heroin powder thakhi kina paishe. Yete 94 grams laga.
Etu laga agea January 18 din te. Manipur Police khan parabi 39 saal Md Ajmir Hussain ke durishe koishe Imphal West District laga Tengdongyan para. Tai toh Jiribam District te thakhea manu ase. Aru tai laga haat para 310 grams laga Heroin No.4 paishe.
Add Comment