Manipur: 7 Ke Arrest Kurishe, Kakching Police Station Ke Hamla Kuri kina Police Ke Jokhum Kurea Nimete

Manipur, December 1, 2024: Manipur Police khan para sadjun ke arrest kurishe koishe Kakching Police Station Ke hamlakuri kina Police ekjun ke jokhum kurea nimete. Yete November 27 din te etu jamala ulaishe koishe, yete duita Police manu ke jokhum kuri dishe koishe, taijun duty kurea homoi te. Yete November 16, 2024 din te Charjun ke arrest kurea toh, taikhan ke charibi koi kina mangi thakhishe authorities khan ke. Etu arrest kurea manu khan toh Naorem Jotish Singh (30), Kshetrimayum Rajiv Singh (50), Pravin Leishanthem (31), Pukhrambam Gopen (32), Naorem Sitaljit Singh (33), Wayengbam Johnson Singh (31) aru Kshetrimayum Ashokumar (30) ase koishe. Authorities khan etea bi investigate kurea ase koishe, yete Police manu ke jokhum kurea dea toh khushi panai koishe.