Imphal, November 21, 2026: Officials khan para koishe ki. Manipur laga Chandel District, Chapikarong te. Mudu khai kina 8 manu nishina murishe. Aru 100 manu nishina khan toh Hospital te ase.
Yete Hospital khan para khobor dea laga hisab te. 78 manu nishina khan ke Shija Hospital te loi jaishe. Babina Hospital te 23 manu nishina jaishe. Regional Insitute of Medical Sciences (RIMS) tebi bimar ahibole nishina ase.
Chandel District Administration khan parta 8 manu nishina manu murea toh janai dishe. Mudu khai kina. Hoilebi ki karne murishe bhal para najani kina ase. Aru etea investigation khan kurea ase. Etu jamala para Manipur Government khan para utu jaga laga mudu khan eman nakhabole janai dishe. Aru yete mudu kha pichete ulti, pet bikha, matha bikha, matha gurea, suku bhal para nadikhea, sas lubole duk paile phat medical check up kuribole janai dishe.
Manipur: 8 manu murishe. 100 manu Hospital te ase Mudu khai kina








