Manipur ADC elections June 25 te thakibo

April 7, 2021. Manipur Government para hill districts te Autonomous District Council (ADC) nemite election toh June 25 darik te thakiboli junaishe. Etu khobor toh Manipur Additional Chief Secretary (Tribal Affairs & Hills)  Letkhogin Haokip para koishe. Etu fesla toh All Tribal Students’ Union Manipur (ATSUM), Demand Committee ADCs, aro dosura Government departments pithor te meeting korikena election darik toh janaishe. Hoilebi, All Tribal Students’ Union Manipur (ATSUM) para koishe, June 25 darik te polls loboli toh “government fesla” thakishe, keli koile state government aro ATSUM pithor te meeting thaka samai etu neshina fesla toh bona nai. All Tribal Students’ Union Manipur (ATSUM) para aro koishe ke, ADC elections nemite notification demand oper te protest toh jai thakibo. “ADC laga general election nemite notification demand kori thaka toh ATSUM para protest toh jai thakibo,” koikena ATSUM para janaishe. Monday din te, ATSUM laga volunteers para hill jaga te Government offices aro banks toh protest korikena bondh korishe, keli koile government para hill districts te ADC elections darik junaboli kamyaab nakora nemite. ADC election toh jowa saal June moina te loboli thaka ase. Hoilebi, ADC elections toh Hill Areas Committee (HAC) para fesla oper te State Cabinet para 6 moina  postponed korishe.