Imphal, March 24, 2025: Monday in te Police khan para koishe ki, Manipur te taikhanalak alak operation te taikhan Pasta Militants ke arrest kurishe koishe, yete taikhan laga haat para Banduk aru Banduk laga Guli khan paishe koishe. 3da Cadres toh PREPAK (PRO) group para ase koishe, aru taikhan ke toh Sunday din te arrest kurishe koishe, Bishnupur District laga Kumbi Terakhong para.
Taikhan toh Oinam Abung Meitei (31), Yumlembam Romesh Singh (47) aru RK Navy Meitei (32) ase koishe. Aru taikhan laga haat para .303 LMG Banduk aru duita .303 LMG laga Magazines aru 20 guli nishina paishe koishe.
Aru Imphal East District laga Mantripukhri Bazar para aru ekta manu ke arrest kurishe koishe, tai toh Md Taj Khan (37) ase koishe, tai toh local dukan khan te damki dikina poisa mangi thakhishe koishe.
Aru Imphal West District laga Ningomvam Lamkhai parabi ekta United National Liberation Front (UNLF) manu ke arrest kurishe koishe. Tai toh Shagolshem Prabim Singh (27) ase koishe. Tai bi Transport Gari khan ke Damki dikina Poisa mangi thakhishe koishe.
Add Comment