Agencies: Khobor hesab te charta Manipuri cyclists aro ekta lady official khan ke 26th Asian Track Cycling Championship 2019 para ghor te wapas medals loi kena ana nimite sammaan dishe. Etu championship toh Jakarta te January 9 para 13 tok hoishe.
Sunday din te simple hoile bhi meaningful reception aro felicitation program etu juwan talents khan nimite rakhishe. Etu charjon khan laga naam toh Laitonjam Ronaldo, Keithellakpam James, Yanglem Rojit aro Lanchenba Elangbam aro Imphal, Sangai Continental laga lady coach I Goutamni thakishe.
Manipur laga sob para poila hockey Olympian P Nilkamal, international badminton referee H Gyaneshwor, secretary Sunil Elangbam of Manipur Olympic Association, secretary H Bikram of Manipur Cycling Association, Assistant Director Th Thouba of Youth Affairs aro Sports (Training and Coaching) aro Publisher Nishikant Singh Sapam of ‘The Sangai Express’ bhi program toh attend kurishe. Etu program te cyclists aro official ke mementoes, shawls aro cash para sammaan kurishe.
Imphal East district laga Wangkhei Ningthem Pukhri Mapal te thaka Cyclist Ronaldotoh duita gold aro ekta silver medal India nimite Asian championship te jeetishe. Imphal West district laga Awang Khunou te thaka Keithellakpam James aro Bishnupur district laga Bishnupur te thaka Yanglem Rojit, tai duijon para bhi gold medal loi jaishe. Kakching district laga Hiyanglam Makha Leikai te thaka Lanchenba Elangbam toh bronze medal jetishe.
Add Comment