Manipur: Assam Rifles khan bosti te doborjosh gushishe. Duita manu jokhum hoishe

Imphal, April 25, 2026: April 25 din te. Ukhrul District te tension uthishe koishe. Yete Assam Rifles khan Talui Bosti te dobor josh gushishe koishe. Aru yete Local khan laga khobor hisab te. Duita manu nishina ke jokhum kurishe koishe.
Aru local khan hisab te. Etu Assam Rifles laga gari toh Ukhrul laga Headquarters para ahi thakhishe koishe. Etu toh 1:00 PM Homoi te thakhishe. Yete taikhan Talui Bosti te gushea laga rasta bon kurea toh bia kuri kina gushishe koishe.
Khobor hisab te. Assam Rifles khan toh utu jaga khan te birai thakhishe koishe. Aru banduk laga guli marea laga awas khan bi huni thakhishe. Yete para tate thakhea manu aru Bosti manu khan kebi bhui khila dishe koishe. Local khan laga khobor hisab te. Etu Assam rifles khan laga gari toh Hoomi napunchea agea para rukhabole kushish kuri thakhishe koishe. Hoilebi narukhi kina. Banduk laga guli khan aru marishe koishe. Yete Talui Bosti laga ekta maiki ke jokhum kurishe. Aru Hoomi laga ekta muta kebi jokhum kuri dishe koishe. Aru taikhan ke Ukhrul District Hospital te loi jaishe koishe.