Manipur Assembly grenade attack te ASI thurishe

IMPHAL, November 19, 2018: Friday saam Manipur Assembly complex  te  grenade hamlaa huwa   te ekta  assistant sub-inspector (ASI) ke thurishe involved thaka nimete  .Etu manu laga naam toh 56-year-old Yumnam Deben Singh ase .Police koishe Deben  kun ke Saturday saam te thurishe  tai pora koishe tai  bishi bak United National Liberation Front (UNLF) khan logote kotha koi thakeh .Etu UNLF manu khan koishe etu grenade blast  Manipur Legislative Assembly complex Friday saam te huwa toh tai khan pora kura ase  .Etu te  tinta security personnel khan etu te  duita Manipur police aro ekta  BSF jawan jhokom paikena thakishe.Police khan Deben laga haath  pora Rs 1,31,000 cash pora paishe  .Etu toh tai ke  self-proclaimed Major Panthoibi pora dishe  .Hoilebi police khan okobi khobor khan dianai   etu operations khan laga kile koile toh investigation toh initial stage te ase koikena janaidishe .”Amikhan chan bin khan kura laga kotha toh etia okobi kubole naparibo  hoilebi ami khan chanbin khan kurikena etu te kun kun thakishe tai khan ke joldi hi thuribole ase .” Imphal West Police SP, Jogeschandra Haobijam koikena janaishe  .etu grenade attack laga follow up operation te  ekta combined team  Manipur police commandos aro 15 Assam Rifles khan pora ekta UNLF militant laga maiki cadre thurishe.Etu maiki laga naam toh  Sandham Sangeeta, 42, Laishram Amarjit Singh laga maiki ase .Police khan koishe etu combined team khan pora etu maiki laga haath pora  Rs 2,31,000 cash paishe .Etu poisa toh murijaa UNLF cadres laga khandan manu khan ke dibole nimete Raising day thaka karne  . Sangeeta kun  self-proclaimed Major Panthoibi aro Major Umakanta kun khan Myanmar te bui ase tai khan logote kaam kuri thakishe.Etu thura maiki toh civil body group“Chingmi Tammi Lup”,  laga member  ase  .