Manipur assembly premises te bomb phutishe

IMPHAL, November 17, 2018: Manipur Legislative Assembly bithor te ekta hand grenade paikena phutaishe  .Etu phuti jaa pora tin jun security personnel khan jhokom paikena thakishe.Etu tinta jhokom huwa te duita police personnel aro ekta BSF sepai thakishe4  .Etu phuti jaa toh  security khan bishi thakikena huwa ase  Imphal te  Manipur Sangai festival hobole time  te.Police khan kuwa hisaab te etu bomb phuta toh  5:55pm nishena hoishe  main gate bithor te  aro etu bomb toh  Assembly complex laga western wall phaleh pora pekha ase .Etu assembly complex toh Manipur police khan  54th battalion BSF laga battalion khan logote milikena guard kuri thakishe  .etu blast te jhokom paa manu khan laga naaam toh  Maibam Manoranjan, Yambem Johny aro R P Mishra BSF, pora thakishe  kun khan Madhyapradesh pora ase .Tai khan ke  treatment nimete RIMS te luijaishe aro tai khan etia thik thak ase .”Ami khan asorit etu huna toh ekta bomb phutaishe koikena a high-security zone, te kuntu jaka te security personnels khan guard kuri thakishe  .Etu blast huwa pichede achanak pora Assembly complex khan laga jaka khan te chan bin kuri ase .State police aro central forces khan laga high rank officer etu te DGP Manipur, L M Khaute etu blast huwa jaka te jaishe .Etu hamlaa kura te kun bi rebel aro extremist  group khan tai khan kurishe koikena kuwa nai.Police khan etia tak bi najanikena ase etu blast toh kun pora kurishe koikena . Imphal city te etu hamlaa huwa toh second time ase  security personnel khan uporte hamlaa kura toh.October 20 te  United National Liberation Front (UNLF) khan pora ekta CRPF truck gaari ke target kurishe  Imphal’s Nagamapal te etu te ekta juwan murishe aro ekjun toh jhokom paikena thakishe .