Imphal, November 5, 2026: Wednesday din te. Yete bitor manu khan para passenger bukhea gari aru tata ke guli marishe koishe. Etu toh Impha para Ukhrul te ja laga rasta te. Etu toh Manipur Ukhurl District, TM Kasom Bosti osor te ase. Etu toh sham phane thakhishe. Yete utu rasta te aha ja kurea khan ke chinta kuri dea ase. Hoilebi etea tak kunbi murea nai koishe.
Aru khobor hisab te. Etu jamala toh 4.45 pm homoi te hoishe. Yete passengers gari, Winger toh Imphal para Ukhrul te jai thakhishe. Aru etu gari ke police khan para escort kuri kina loi jai thakhishe. Security khan para Litan jaga tak jaishe. Etu pichete TM Kasom Bosti osor te etu convoy ke hamla kurishe.
Etu guli marea toh 10 minutes nishina thakhishe. Yete bitor manu khan gari ja khan ke guli mari thakhishe. Yete Passengers khan toh polabole aru luki bole lagi jaishe. Hoilebi bishi guli mari kinabi. Kunbi jokhum hoa nai koishe.
