Imphal, April 10, 2026: Manipur laga Tronglaobi Awang Leikai te. Bomb phuti kina duita manu ke murai dishe koishe. Aru yete murea laga family members khan para State Government khan ke. Pasta din bitor te. Etu bomb phuta manu ke arrest kuribole mangishe koishe. Aru koishe ki poisa para modot kuri kinabi life harea toh hatabole napare koishe.
Etu mangea toh Raj Medicity media te kotha kurea homoi te koishe. Yete Oinam Binita bi jokhum hoi kina thakhishe. Aru tai etea treatment bitor te jai ase koishe. Etu hamla toh 1am homoi te hoishe April 7 din te. Yete para tai laga duita bacha murishe koishe. Oinam Tomthin (5) aru tai laga bhuini Oinam Yaisana (5 moina).
Media te kotha kurea homoi te. Bacha khan laga buri ama Oinam Loidam para Government ke thanks dishe koishe. Poisa dea nimete. Hoilebi justice anibole mangishe. Kile koile etu he dangor wala ase. Tai para authorities khan ke pasta din bitor te duribole mangea ase koishe. Aru enika jamala khan lok napabole nimete.
Add Comment