Imphal, December 12 : Manipur laga Tengnoupal district kuntu tu south fale para India-Myanmar border te asey etu district laga Bongyam para loikina Sinam busti tak laga osor te thaka National Highway 102 te ekta dangor improvised explosive device (IED) hamla hobole para bachisey.
Security forces khan para kuwa hisap te, ekta plastic bag te pura puri 21 high-powered IED aro 3ta coil thakisey kuntu laga wire laga length tu 30 metres maan thakisey aro etu laga colour tu light red thakisey etu ke Assam Rifle laga ekta alert rasta khula party para Bongyang para loikina Sinam busti tak laga osor te thaka ekta jaga te dikhisey.
Etu IED khan ke national highway te Imphal para Moreh tak connect kora national highway te atangwadi khan para dhalisey. Moreh tu Manipur fale thaka Myanmar logotey India laga akhri border town asey.
Etu explosive(phutija bustu) dhala laga jaga fale rajya laga bisi manu aro military gari khan aha juwa kuri thakisey.
Etu explosive khan pa laga report ola picheyte joldi hi rajya aro central forces laga ekta bomb expert team khan jag ate pungchisey aro etu saman khan ke suraksit para olaidisey.
Etu picheyte, etu saman khan ke agey investigation kuribole aro kanooni karawahi kuribole nimitey sobsey osor police station te didisey.
Etu yaad rakhibo lagey ki Indian Army aro rajya laga sena khan para Manipur te thaka atangwadi group khan laga khilaf te kaam kuribole continue kuri asey aro rajya te shanty wapas anibole nimitey etu atangwadi group khan ke target kuribole aro tatey para hataidibole nimitey operation jari rakhi asey.
Add Comment